बसको ठक्करबाट हेटौंडामा एकको मृत्यु
आश्विन ३, २०७७ | मकवानपुर
बसको ठक्करबाट मकवानपुमा शनिबार एक जनाको मृत्यु भएको छ । बसको ठक्करबाट चितवनको भरतपुर महानगरपालिका–७ का २९ वर्षीय दिपेन्द्र अधिकारीको मृत्यु भएको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले जानकारी दिनुभयो ।
पूर्व–पश्चिम राजमार्ग अन्तर्गत हेटौंडा उपमहानगरपालिका–१९, नेवारपानी र मनहरी–९, रजैयाको सिमानामा दुर्घटनामा भएको हो । दुर्घटनामा घाइते भएका अधिकारीको उपचारका लागि हेटौंडा ल्याउँदै गर्दा बाटोमै मृत्यु भएको रानाले जानकारी दिनुभयो ।
चितवनबाट हेटौंडातर्फ आउँदै गरेको बा ३ ख ९६६४ नम्बरको मिनि बस र विपरीत दिशामा रहेको ना ४९ प २४०० नम्बरको मोटरसाइकल आपसमा ठोक्किएको हो । बस र चालकलाई प्रहरीले नियन्त्रणमा लिएको छ ।