“कोरोनाको समयमा विद्यालय बन्द गर्दा सरकारले गलत निर्णय गरेको छ”

शिक्षाविद् प्राध्यापक डा. विद्यानाथ कोइरालाले कोरोना संक्रमण बढेपछि माघ १५ गतेसम्मका लागि विद्यालय बन्द गर्ने सरकारको निर्णय सही नभएका बताएका छन् । संविधान अनुसार विद्यालय सञ्चालनको जिम्मा स्थानीय तहको भएपनि केन्द्रको निर्णयले स्कूल बन्द गर्नु एकोहोरो बुद्धिको परिणाम भएको कोइरालाको भनाइ छ । रेडियो कान्तिपुरको नियमित कार्यक्रम द हेडलाइनर्समा आज विहान बोल्दै उनले स्थानीय तहलाई विद्यालय बन्द गर्ने निर्णय दिएको भए शिक्षकहरुले विकल्प दिन सक्ने अवस्था सृजना हुने बताए । वैकल्पिक शिक्षा नभई अब पुरक शिक्षामा ध्यान दिनुपर्ने कोइरालाको सुझाव छ ।