भुक्तानी नभए आन्दोलन गर्ने तयारीमा निर्माण व्यवसायी

अनुज्ञा बस्नेत (प्रशिक्षार्थी पत्रकार)

नेपाल निर्माण व्यवसायी महासंघले मुलुकका विभिन्न भागमा निर्माण पूरा भएका विकास आयोजनाको भुक्तानी तत्काल गर्न सरकारलाई आग्रह गरेको छ । महासंघले काठमाडौंमा आज पत्रकार सम्मेलन गर्दै आयोजनाको भुक्तानी नभए आन्दोलन गर्ने चेतावनी समेत दिएको छ ।

महासंघका अध्यक्ष रवि सिंहले विगत आर्थिक वर्षमै भुक्तानी हुनुपर्ने वक्यौता रहेको ठूलो रकम अझै पनि आफूहरुले नपाएको र त्यसबाट निर्माण उद्योगमा विकराल अवस्था सिर्जना भएको बताउनुभयो । सरकारले रकम तत्काल निकासा हुने प्रतिवद्धता गरेपनि रकम भुक्तानी नहुँदा व्यवसायीहरूको राज्यमाथिको भरोसा टुट्ने अवस्थामा पुगेको सिंहले टिप्पणी गर्नुभयो ।

महासंघले दशैं तिहारजस्ता चाडपर्वका बेला निर्माण व्यवसायी र उनीहरुसँग आश्रित परिवार र मजदुरलाई राहत दिन सरकारको ध्यानाकर्षण समेत गराएको छ ।