झण्डै दुई वर्षमा पोखरा अन्तर्राष्ट्रिय विमानस्थलमा दोश्रोपटक अन्तर्राष्ट्रिय उडान
- पोखराविमानस्थल सञ्चालनमा आएको करिब दुई वर्षको अवधिमा पोखरा अन्तर्राष्ट्रिय विमानस्थलमा दोश्रोपटक अन्तर्राष्ट्रिय उडान भएको छ ।
चीनको सिचुवान एयरलाइन्सले गत वर्षको असारमा पोखरा अन्तर्राष्ट्रिय विमानस्थलमा पहिलो अन्तर्राष्ट्रिय उडान गरेको थियो ।
त्यसको १७ महिनापछि आज सिचुवानले नै पोखरामा दोश्रो अन्तर्राष्ट्रिय उडान गरेको हो । चीनको कुनमिङ विमानस्थलबाट आज १ सय ३४ यात्रु लिएर आएको सिचुवान एयरलाइन्सको एयर बस ३ सय १९ चार्टर्ड विमान पोखरामा दिउँसो २ः४० मा अवतरण भएको थियो ।
सो विमानमा पोखरामा हुन लागेको अन्तर्राष्ट्रिय पर्वतीय क्रसकन्ट्री दौड प्रतियोगिताका लागि चिनियाँ खेलाडी, दर्शक र अन्य प्रतिनिधि आएका हुन् ।