सुनको मुल्यमा गिरावट

नेपाली बजारमा सुन प्रतितोला २ हजार ६ सय रुपैयाँले घटेर आज एक लाख ४८ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बजारमा हिजो प्रतितोला १ लाख ५१ हजार ३ सय रुपैयाँमा कारोबार भएको सुन आज घटेर कारोबार भइरहेको हो ।

सरकारले सुनको आयातको भन्सार दर ५० प्रतिशतले घटाएसंगै हिजो सुन एकैदिन तोलाको १५ हजार ९ सय रुपैयाँले घटेको थियो ।

अस्ति आइतबार भने सुन प्रतितोला १ लाख ६७ हजार २ सय रुपैयाँमा कारोबार भएको थियो । यसैबीच सुनसँगै चाँदीको मुल्य पनि घटेको छ ।

चाँदी प्रतितोला २५ रुपैयाँले घटेर आज १ हजार ८ सय २० रुपैयाँमा कारोबार भइरहेको हो ।