मकवानपुर उद्योग वाणिज्य संघको अध्यक्षमा रानाभाट

मकवानपुर उद्योग वाणिज्य संघको अध्यक्ष पदमा प्रमोदसिंह रानाभाट विजयी हुनु भएको छ । रानाभाटले १०१४ मत पाएर विजयी हुनु भएको छ । उहाँका प्रतिद्वन्द्वी अनिल अग्रवालले ७६५ मत प्राप्त गर्नुभयो । 

रानाभाट यसअघि संघको उपाध्यक्ष हुनुहुन्थ्यो । आइतबार बिहान घोषणा गरेको परिणाम अनुसार महासचिव प्रतिमा श्रेष्ठ, उपाध्यक्षहरुमा राजु अधिकारी, उज्वल चौलागाई, दिपक उप्रेती र काब्यमणी अधिकारी विजयी हुनु भएको छ । 

कोषाध्यक्षमा तेजराज अधिकारी, सहकोषाध्यक्षमा निलम वैद्य र सचिवमा कुलप्रसाद चौलागाई र अर्का सचिवमा राजाराम कार्की र नेत्रप्रसाद खतिवडा निर्वाचित हुनु भएको निर्वाचन समितिले जनाएको छ । 

१६ जना कार्यसमितिको सदस्यमा निर्वाचित भएका छन् । तीन वर्षे कार्यकाल रहेको संघमा पदाधिकारीसहित २८ जनाको कार्यसमिति रहने छ । 

२ हजार ४६ जना मतदाता रहेकामा १ हजार ८ सय ६६ जनाले मतदान गरेका थिए । संघको ५८ औं साधारण वुधबारदेखि हेटौंडामा सुरु भएको थियो । मतदान कार्य शनिबार भएको थियो ।