कोशी प्रदेशको कृषि क्षेत्रमा ९५ अर्ब बढी लगानी रहेको राष्ट्र बैंकको दाबी

नेपाल राष्ट्र बैंकले कोशी प्रदेशका जिल्लाहरुमा बैंक तथा वित्तीय संस्थाबाट कृषि क्षेत्रमा ९५ अर्ब रुपैयाँ बढी लगानी भएको जनाएको छ ।

 बैंकले जारी गरेको प्रदेशको आर्थिक तथा वित्तीय अवस्था संक्षिप्त विवरणमा आर्थिक वर्ष २०८०÷ ८१ मा कृषि क्षेत्रमा ९५ अर्ब २५ करोड ५५ लाख रुपैयाँ बराबरको लगानी भएको हो । वित्तिय संस्थाहरुले सबैभन्दा बढी कृषि क्षेत्रमा लगानी गरेको पाइएको छ । 

उर्जा क्षेत्रमा ३१ करोड रुपैयाँ बराबर, साना तथा मझौला उद्योगमा ६८ अर्ब २२ करोड रुपैयाँ र पर्यटन क्षेत्रमा १० अर्ब ३९ करोड रुपैयाँ बराबरको लगानी विस्तार भएको उल्लेख गरिएको छ ।

 बैंकका अनुसार कोशी प्रदेशमा १ हजार ८ सय ३७ वटा वित्तीय संस्थाको शाखा सञ्चालन भईरहेको छ भने ३४ लाख १४ हजार बढी मोबाईल बैकिङ प्रयोगकर्ता छन् । त्यस्तै कोशी प्रदेशमा गत वर्षको तुलनामा आर्थिक वर्ष ८०÷८१ मा धान , कोदो उत्पादन बढेको छ भने मकै, गहुँ, जौ, र फापरको उत्पादनमा कमी आएको छ ।