अष्ट्रेलियाको क्वीन्सल्याण्डमा होटलको छतमा हेलिकप्टर ठोक्किँदा पाइलटको मृत्यु

अष्ट्रेलियाको क्वीन्सल्याण्डस्थित उत्तरी सहर केन्र्समा रहेको एक होटलको छतमा हेलिकप्टर ठोक्किँदा पाइलटको मृत्यु भएको छ । 

आज विहान स्थानीय समय अनुसार साढे १ बजेतिर हिल्टन होटलको छतमा हेलिकप्टर ठोक्किँदा पाइलटको मृत्यु भएको हो । 

क्वीन्सल्याण्ड प्रहरीले हेलिकप्टरका पाइलटको घटनास्थलमै मृत्यु भएको पुष्टि गरेको छ । होटलमा रहेका दुई पर्यटक घाइते भएको बीबीसीले जनाएको छ ।

 घाइतेको अवस्था भने सामान्य रहेको बताइएको छ । हेलिकोप्टर छतमाथि खस्दा होटलमा आगलागी भएको र होटलमा रहेको सयौँ पाहुनालाई तत्कालबाहिर निकाल्न सफल भएको होटलका कर्मचारीले जनाएका छन् ।