इजरायलले युद्धविराम सम्झौताको ठाडो उल्लङ्घन गरेको राष्ट्रसंघको ठहर

संयुक्त राष्ट्रसंघले इजरायललाई गाजामा नरसंहार रोक्न माग गर्ने प्रस्ताव पारित गरेको छ । मानव अधिकार परिषद्को बैठकले गाजापट्टीमा युद्ध रोक्नु पर्ने प्रस्ताव पारित गरेको हो । 

प्रस्तावको पक्षमा २७ मत परेको थियो भने विपक्षमा ४ मत परेको थियो । १६ मत भने तटस्थ परेको थियो । पारित भएको प्रस्तावले इजरायललाई युद्धविराम सम्झौता उल्लङघन गरेकोमा निन्दा गरेको छ । 

प्रस्ताव पक्षधरले यसअघिका प्रतिवद्धतालाई पूर्णरूपमा पालना गर्न इजरायललाई आग्रह गरेका छन् ।इजरायलले युद्ध जित्नका लागि भोकमरीको प्रयोग, राहत आपूर्तिमा जानाजानी अवरोध गरेको आरोप लगाइएको छ । त्यस्तै बैठकले खाद्यान्न, पानी, बिजुली, इन्धन र दूरसञ्चारलगायतमा वञ्चित गरेकोमा इजरायलको निन्दा गरेको छ ।