दक्षिण कोरियाले अमेरिकामा ३ सय ५० अर्ब डलर लगानी गर्ने

दक्षिण कोरियाले ३ सय ५० अर्ब डलर अमेरिकामा लगानी गर्ने शर्तमा राष्ट्रपति डोनाल्ड ट्रम्पले त्यहाँबाट आयात हुने वस्तुमा १५ प्रतिशत कर निर्धारण गर्नुभएको छ । 

यसअघि दक्षिण कोरियालाई २५ प्रतिशत कर तोकिएको थियो । त्यस्तै, दक्षिण कोरियाले अमेरिकाबाट १ सय अर्बको ऊर्जाजन्य वस्तु खरिद गर्नुपर्ने शर्तमा सो कर निर्धारण गरिएको अन्तर्राष्ट्रिय सञ्चार माध्यमले जनाएका छन् । त्यस्तै, अमेरिकी सामान दक्षिण कोरियामा निर्यात गर्दा कर वृद्धि नहुने विषयमा समेत सहमति भएको अमेरिकाका राष्ट्रपति ट्रम्पलाई उल्लेख गर्दै अन्तर्राष्ट्रिय सञ्चार माध्यमले जनाएका छन् ।

दक्षिण कोरियाका अर्थ, उद्योग मन्त्री लगायत प्रतिनिधि मण्डलसहितको वार्तामा राष्ट्रपति ट्रम्पले सो घोषणा गर्नुभएको हो । अमेरिकासँग भएको सहमतीबारे प्रतिक्रिया दिँदै दक्षिण कोरियाका राष्ट्रपति लि जे मियुङले अमेरिकासँगको पछिल्लो सहमतिले अन्य मुलुकको तुलनामा दक्षिण कोरियालाई प्राथमिकता दिएको देखिएको प्रतिक्रिया दिनुभएको छ ।