अमेरिकालाई वार्तामार्फत समस्या समाधान गर्न चीनको आग्रह

अमेरिकी राष्ट्रपति डोनाल्ड ट्रम्पले चिनियाँ सामानमा एक सय प्रतिशत आयात शुल्क लगाउने चेतावनी दिएपछि चीनले कडा प्रतिक्रिया दिँदै वार्तामार्फत समस्या समाधान गर्न आग्रह गरेको छ ।

चीनको वाणिज्य मन्त्रालयले विज्ञप्ति जारी गर्दैै आफूहरुको अडानमा स्पष्ट रहेको जनाउँदै ट्रम्पले व्यापार युद्ध नचाहेको र अमेरिकाको चेतावनीबाट नडराएको बताएको छ ।

ट्रम्पले नोभेम्बर १ देखि लागू हुने गरी चीनबाट आयात हुने सामानमा आयात शुल्क दोब्बर पार्ने चेतावनी दिएपछि चीनले प्रतिक्रिया जनाएको हो ।

चीनले दुर्लभ खनिजको निर्यातमा प्रतिबन्ध लगाएपछि अमेरिकाले आयात हुने सामानमा चर्कोे शुल्क लगाउने चेतावनी दिएको थियो ।

दुई देशबीच ब्यापारको विषयलाई लिएर विकसीत घटनाक्रमले ट्रम्प र चिनियाँ राष्ट्रपति सी जिनपिङबीच हुनसक्ने बैठक समेत प्रभावित हुनसक्ने आँकलन गरिएको छ ।