साहारा सहकारी बचत दुरूपयोगः छवि चितवनमा, बयान सुरू

साहारा चितवन बहुउद्देश्यीय सहकारी संस्थाको बचत अपचलनमा चितवन प्रहरीले कास्की प्रहरीको हिरासतमा रहेका नेपाल प्रहरीका पुर्व डिआईजी छविलाल जोशीलाई भरतपुर पुर्‍याएर जिल्ला सरकारी वकिलको कार्यालयमा बयान सुरू गरेको छ । प्रहरीले सोही मुद्दामा अर्का आरोपित रामबहादुर खनाललई पनि बयानमा लागि जोशीसँगै चितवन लगेको छ ।

जिल्ला न्यायाधीवक्ता (सरकारी वकिल) शान्तिप्रसाद लुईटेलले आज दिउँसोबाटै बयान सुरू भएको बताउनुभयो । गोरखा मिडियाका तत्कालिन शेयरधनी र सञ्चालक रहेको भन्दै बचतकर्ताहरूले छवि विरूद्ध चितवन प्रहरीमा पुरक उजुरी दिएका थिए । 

गोरखा मिडियाका तत्कालिन शेयरधनी सञ्चालक र प्रवन्ध निर्देशक पुर्व गृहमन्त्री तथा चितवन–२ का सांसद रवि लामिछाने विरूद्ध पनि चितवन प्रहरीमा उजुरी परेर पक्राउ पुर्जी जारी भएको छ । कास्की प्रहरीले नियन्त्रणमा लिएको रवि लामिछानेको काठमाडौंमा बयान भइरहेको छ । गोरखा मिडियामा चितवन साहाराबाट नियम विपरित १० करोेड रूपैयाँ गएको विभिन्न अनुसन्धानले देखाएको छ ।