म्याग्दीको कुमारी सहकारी हिनामिना प्रकरणमा भोलिपनि थुनछेक बहस हुने

म्याग्दीको बेनीस्थित कुमारी बहुउद्देश्यीय सहकारी संस्थाको डेढ अर्ब रकम हिनामिना गरेको अभियोगमा पक्राउ परेकासंग जिल्ला अदालतमा भोलि पनि थुनछेक बहस हुने भएको छ । अदालतका श्रेष्तेदार भोलाप्रसाद रेग्मीका अनुसार पक्राउ परेकाहरुसँग आजको बहस नसकिएपछि भोलि पनि हुने भएको हो ।

 सहकारीको रकम हिनामिना प्रकरणका मुख्य योजनाकार भनिएका राजकुमार थापा, रुद्र गुरुङ, मनबहादुर थजालीको बयान सकिएसँगै आजबाट थुनछेक बहस सुरु भएको हो । आजको थुनछेक बहसमा सरकारी वकिल गोबिन्द उपाध्यायले बहस गर्नुभएको थियो । त्यसलगत्तै प्रतिवादीका तर्फबाट बहस भएको  छ ।

 सो सहकारी घोटाला प्रकरणका मुख्य योजनाकार एवं म्याग्दीका जिल्ला समन्वय समिति प्रमुख राजकुमार थापा समेतले ३२ करोड भन्दा बढि अबैध रकम ढुकुटी खेलाउने, घरजग्गा कारोवारमा लगानी गर्ने र निजि स्कुलमा लगानी गर्ने गरेको पाइएको छ ।