पतञ्जलि जग्गा प्रकरणमा बिना कारण मुद्दा लगाइयोः माधव नेपाल

एकीकृत समाजवादीका अध्यक्ष एवम् पूर्व प्रधानमन्त्री माधवकुमार नेपालले पतञ्जलि जग्गा प्रकरणमा आफूमाथि बिना कारण मुद्दा लगाइएको दाबी गर्नुभएको छ ।

काठमाडौंमा आज आयोजित एक कार्यक्रममा उहाँले नेपालको कानुनले हदबन्दी छुटलाई नियमन गर्ने सम्बन्धी विशेष व्यवस्था गरेको उल्लेख गर्नुभयो ।

 हदबन्दीभन्दा बढी जग्गा दिने काम गरेर र दिएको भन्दा बढी जग्गा बिक्री गर्न दिने काम गरेर बेठिक गरेको भन्दै आफूमाथि मुद्दा लगाइएको उहाँको भनाई थियो । 

अध्यक्ष नेपालले हदबन्दीभन्दा बढी जग्गा राख्न दिने अधिकार नेपाल सरकारसँग रहेको दाबी गर्नुभयो ।