प्रधानमन्त्री ओली र भारतीय समकक्षी मोदीबीच संक्षिप्त भेट
- काठमाडौंचीन भ्रमणमा रहेका प्रधानमन्त्री केपी ओली र भारतीय प्रधानमन्त्री नरेन्द्र मोदीबीच संक्षिप्त भेट भएको छ ।
भेटको तस्बिर सार्वजनिक गर्दै भारतीय प्रधानमन्त्री मोदीले नेपाल र भारतबीचको सम्बध विशेष रहेको उल्लेख गर्नुभएको छ । शांघाई सहयोग सङ्गठन (एससिओ)को शिखर सम्मेलनका क्रममा उहाँहरुबीच भेट भएको हो ।
यसअघि प्रधानमन्त्री ओलीसहितको टोलीले आज विहान नानकाइ जिल्लास्थित चाउ एनलाई र तेङ यिङ्चाओ स्मृति सङ्ग्रहालयको अवलोकन गरेको थियो । त्यस्तै प्रधानमन्त्री ओली नेतृत्वको टोलीले हुवाइस्थित धान उत्पादनको विशेष क्षेत्रको पनि अवलोकन गरेको थयो ।
सो क्षेत्रमा धानको बीउ उत्पादन तथा कृषि, पर्यटन र शिक्षालाई जोड्दै थालिएका नमूना कार्यबारे प्रधानमन्त्री ओलीले जानकारी लिनुभएको हो । चीनका राष्ट्रपति सी चिनफिङको मैत्रीपूर्ण निमन्त्रणामा शिखर सम्मेलनमा भाग लिन नेपाली प्रतिनिधिमण्डलको नेतृत्व गर्दै प्रधानमन्त्री ओली हिजो चीन पुग्नुभएको हो ।