सभापतिमा प्रतिस्पर्धा गर्ने महामन्त्री थापाको घोषणा

नेपाली कंग्रेसका महामन्त्री गगन थापाले यही पुष अन्तिम साताका लागि निर्धारित महाधिवेशनमा अवरोध सृजना गर्न खोजिए विशेष महाधिवेशनको मुद्धा अघि सार्ने बताउनुभएको छ ।

 महाधिवेशनको विकल्प नभएको भन्दै अवरोध भएमा देशभरबाट विशेष महाधिवेशनका लागि दवाव सृजना गरिने थापाको भनाइ छ । थापाले महाधिवेशनमा सभापति लड्ने र जित्ने दावी गर्नुभयो । सहमतिमा आफू अन्य जिम्मेवारीमा रहन पनि तयार हुने उहाँको भनाइ थियो ।

लामो रस्साकस्सीपछि कंग्रेसले यही पुष २६ देखि २८ गतेसम्म महाधिवेशनको मिति तोकेपनि क्रियाशील सदस्यता लगायत बिषयमा विवाद उत्पन्न भएको छ । त्यही कारणले महाधिवेशन हुनेमा आशंका बढेको कंग्रेस नेताहरुको भनाइ छ ।