त्रिशूली नदीमा बस खस्यो

पोखराबाट काठमाडौं आउँदै गरेको बस त्रिशूली नदीमा खसेको छ ।

धादिङको बेनीघाट रोराङ गाउँपालिकाको चरौदी नजिकै रहेको चाइनाधाराबाट बिहान करिब सवा १ बजेतिर ग २ ख १४२१ नम्बरको बस त्रिशूलीमा खसेको हो ।

जिल्ला ट्राफिक कार्यालय धादिङका प्रमुख शिशिर थापाका अनुसार घटनामा १८ जनाको मृत्यु भएको छ ।

घाइते २५ मध्ये १७ जनालाई उपचारकालागि विभिन्न अस्पताल पठाइएको राजमार्ग उद्दार व्यवस्थापन समितिको अध्यक्ष राजकुमार ठकुरीले जानकारी दिनुभयो ।

बसमा ३५ भन्दा बढी यात्रु सवार रहेको बताइएको छ ।