सरकार गठनका लागि अझै १० दिनसम्म लाग्न सक्ने रास्वपाको भनाइ

प्रतिनिधिसभामा झन्डै दुई तिहाइ बहुमत हासिल गरेको राष्ट्रिय स्वतन्त्र पार्टी रास्वपाले सरकार गठनका लागि अझै १० दिनसम्म लाग्न सक्ने बताएको छ । 

निर्वाचनपछि समानुपातिक सांसद चयन लगायत काम बाँकी रहेकाले सरकार गठनको प्रक्रिया शुरु हुन नसकेको सो पार्टीको भनाइ छ । पार्टीको सचिवालय बैठकपछि रास्वपाका प्रवक्ता मनिष झाले भन्नुभयो ।

यसैबीच, रास्वपाले संसदीय दलको नेतासम्वन्धि विधानको व्यवस्था परिमार्जन गर्ने भएको छ । संसदीय दलको नेता पार्टीको साधारण सदस्यबाट निर्वाचित गर्नुपर्ने प्रावधान रहेकाले त्यसलाई संसोधन गरेर वरिष्ठ नेता बालेन्द्र शाहलाई प्रधानमन्त्री बन्ने बाटो खुला गर्ने रास्वपाको तयारी हो । विधान संसोधनको निर्णय केन्द्रिय समितिले गर्ने प्रवक्ता झाले बताउनुभयो ।

रास्वपाले चुनावअघि नै वरिष्ठ नेता शाहलाई प्रधानमन्त्री बनाउने घोषणा गरेको थियो ।