विक्रम सम्वत् २०८२ वैशाख १ देखि चैत मसान्तसम्म सार्वजनिक भएका नेपाली गीतमध्येबाट फरक–फरक विधाका उत्कृष्ट ५ वटालाई अवार्डका लागि मनोनयन गर्न तीन सदस्यीय जुरी गठन गरिएको थियो । त्यसमध्येबाट हरेक विधामा सर्वोकृष्ट घोषणा गरिनेछ ।

अवार्ड कार्यक्रममा मन्त्र ब्यान्ड, दीपक बज्राचार्य, उजन शाक्य, जोन एण्ड द लोकल्सको विशेष प्रस्तुति रहनेछ । त्यस्तै, समृद्धि राई, शिव परियार, ओएमजी स्पार्क, यमन श्रेष्ठ, सलिना विक तथा हास्य कलाकार प्रभात लामा र कर्मासिंह लामाको पनि प्रस्तुती रहनेछ । यसपटक कार्यक्रममा मुख्य प्रायोजकको रुपमा ‘एक्स्ट्रिम इनर्जी ड्रिंक’ रहेको छ । पत्रकार सम्मेलनमा कान्तिपुर मिडिया ग्रुपका चिफ मार्केटिङ अफिसर केसी र ‘एक्स्ट्रिम इनर्जी ड्रिंक’का तर्फबाट प्रतिक्षा कर्माचार्यले प्रायोजनका लागि हस्ताक्षर गरेका हुन् ।

कार्यक्रम ललितपुरको पुल्चोकस्थित ‘द प्लाजा’ होटलमा हुनेछ । यसपटकको अवार्ड कार्यक्रमका लागि टिकट विक्रि समेत खुल्ला भइसकेको र इसेवामार्फत टिकट खरिद गर्न सकिने आयोजक रेडियो कान्तिपुरले जनाएको छ ।