डोटीमा बस दुर्घटनामा ३ जनाको मृत्यु

डोटीको पुर्वीचौकी गाउँपालिका–१ तल्लो फुलोटमा यात्रुवाहक बस पल्टदा ३ जनाको मृत्यू भएको छ । ३१ जना घाइते भएका छन् । 

भारतबाट आएका यात्रु बोकेर धनगढीबाट अछाम जादै गरेको ना ६ ख २५२९ नम्बरको बस आज बिहान ६ बजे दुर्घटनामा परेको जिल्ला प्रहरी कार्यालय डोटीका प्रहरी निरीक्षक कर्ण बहादुर बोहराले जानकारी दिनुभयो । मृतकको सनाखत हुन सकेको छैन । 

घाइते मध्ये २६ जनालाई उपचारको लागि जिल्ला अस्पताल डोटीमा लगिएको छ । बाँकीको उद्धार भइरहेको प्रहरीले जनाएको छ ।