तीन बालिका सम्पर्कविहिन

धनुषा र महोत्तरीको सिमानामा रहेको महोत्तरी, पिपरा गाउँपालिकाका तीन बालिका आज बिहान ११ बजेदेखि सम्पर्कविहिन भएका छन् । विद्यालय सकेर घर फर्किदै गरेका ७, ८ र १० वर्षका ती बालिका बाटोबाटै बेपत्ता भएका हुन् । 

स्थानीयवासीका अनुसार–विद्यालय सकेर घर फर्किदै गरेकी पिपरा गाउँपालिका २ बनौलीका मोहित चौधरीकी ८ वर्षिया छोरी आरधना चौधरी तथा पिपरा ७ बनौलीका दीपेन्द्र झाका दुई छोरीहरु ७ वर्षिया प्रज्ञा कुमारी र १० वर्षिया प्रियांशी कुमारी बेपत्ता भएका हुन् । तीनै बालिका गाउँमै रहेको देवसिद्धी ईंगलिश बोर्डिङ स्कूलमा अध्ययनरत थिए । 

यस्तै धनुषाको सीमावर्ती नगराईन नगरपालिका–६ स्थित धानको खेतमा आज विहान दुई महिलाको संकास्पद शव फेला परेको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक प्रदीप कुमार छेत्रीले बताउनुभयो ।