तस्करको आक्रमणबाट नगर प्रहरी गम्भिर घाइते

पूर्वी नवलपरासीको हुप्सेकोट गाउंपालिकाको खोलामा डिउटीमा गएकी नगरप्रहरीलाई तस्करहरुले ढुंगाले आक्रमण गरेर गम्भिर घाइते बनाएका छन् । हुप्सेकोटका प्रमुख प्रशासकिय अधिकृत टंकनाथ घिमिरेका अनुसार खोलामा अवैध ढुंगा गिटी चोरी भइरहेको सूचनाका आधारमा गिरुबारी खोलामा डिउटीमा गएकी नगर प्रहरी जवान यममाया मल्ललाई तस्करहरुले ढुंगा हानेर गम्भिर घाइते बनाएको हाम्रा सहकर्मीले जनाएका छन् ।

 मल्लको भरतपुर स्थित मेडिकल कलेजमा उपचार हुन नसकेपछि काठमाण्डौ ल्याइएको छ । गिरवारी खोलामा तस्करहरुले ट्याक्टरमा ढुंगा, गिट्टी उठाउंदै गरेको सूचनाका आधारमा जांदा एक्कासी आक्रमण भएको हो । पूर्वी नवलपरासीका एक दर्जन खोलामा समयमै पालिकाहरुले ठेक्का नलगाउंदा हरेक दिन खोला जन्य पदार्थ चोरी निकासी हुने गरेको छ । प्रहरीसंगको सेटिङमा खोलाजन्य पदार्थ चोरी निकासी हुने गरेको स्थानीय बताउंछन् ।