तुलसीपुरमा एक युवकमाथि खुकुरी प्रहार

दाङको तुलसीपुरमा गएराति एक युवकमाथि खुकुरी प्रहार भएको छ । खुकुरी प्रहारबाट तुलसीपुर उपमहानगरपालिका–९ पातुखोलाका श्याने भनिने टोपबहादुर नेपाली घाइते भएका छन् । 

उनका दुबै खुट्टाका घुँडामुनी खुकुरी प्रहार भएको हो । घाइते नेपालीलाई तुलसीपुरस्थित राप्ती प्रादेशिक अस्पतालमा प्रारम्भिक उपचारपछि थप उपचारका लागि बाँके रिफर गरिएको इलाका प्रहरी कार्यालयले जानकारी दिएको छ । 

तुलसीपुर बजारबाट सँगै गएका उनकै साथीहरुले नेपालीलाई तुलसीपुर–१७ मानपुरमा खुकुरी प्रहार गरेका हुन् । 

पुरानो रिसिबीका कारण खुकुरी प्रहार भएको प्रहरीको अनुमान छ । खुकुरी प्रहार गर्ने तुलसीपुर–९ बेलुवाका सुरज वली र सन्तोष हमाललाई नियन्त्रणमा लिइएको प्रहरीले जनाएको छ ।