गोरखाको धार्चे पहिरोमा वेपत्तामध्ये एक जनाको शव फेला

गोरखाको धार्चे गाउँपालिका–५ गुम्दा स्थित रेसे फाँटमा पहिरोमा परि वेपत्ता भएका ५ जनामध्ये एक जना मृत भेटिएका छन् ।

 पहिरोले बगाएको घर भन्दा करिव २५ मिटर तल ६० बर्षिय सुलाल कान्छा गुरुङको शव भेटिएको जिल्ला प्रहरी कार्यालय गोरखाका डिएसपी रमेश कुमार श्रेष्ठले जानकारी दिनुभयो । 

उहाँका अनुसार, पहिरोमा परी वेपत्ता अन्यको पनि खोजी भइरहेको छ । नेपाल प्रहरी, सशस्त्र प्रहरी, नेपाली सेना र स्थानीयले वेपत्ताको खोजी जारी राखेका छन् ।

 धार्चे गाउँपालिका–५ का जितवहादुर गुरुङ, कान्छी गुरुङ, रमेश गुरुङ र रमेश परियार बेपत्ता छन् ।