सिड्नी काठमाडौं सिधा उडान गर्ने नेपाल वायु सेवा निगमको तयारी

नेपाल वायुसेवा निगमले अस्ट्रेलियाको सिड्नीबाट काठमाडौंसम्म सिधा उडान गर्ने तयारी गरेको छ । सोही विषयमा नेपाल र अस्ट्रेलियाका उच्च अधिकारीबीच सिड्नीमा छलफल भएको छ ।

 छलफलमा सहभागी निगमका कार्यकारी अध्यक्ष युवराज अधिकारीका अनुसार दूई देशबीच आगामी दशैंदेखि नियमित सिधा उडान गर्ने विषयमा आवश्यक तयारी भएको हो । 

यसअघि नै अस्ट्रेलियास्थित उडड्यन प्राधिकरणबाट ल्यान्डिङ्ग लगायतका बिभिन्न अनुमती पाइसकेको भएपनि केही प्राविधिक समस्याका कारण नेपालको उडानले औपचारिकता पाउन सकेको छैन् । 

तयारी अन्तिम चरणमा पुगिसकेको अवस्थामा नेपाल एयरलाईन्सका ४ उच्च अधिकारीको टोली प्राविधिक समस्यालाई हल गर्न अस्ट्रेलियामा पुगेका छन् । सन २०१९ मा दुई देशबीचमा सिधा हवाई उडान गर्ने विषयमा सहमती भएको थियो ।