बर्दियामा गैंडाको आक्रमणबाट पर्यटक गाईडको मृत्यु

बर्दियाको मधुवन नगरपालिकाको खाता जैविक मार्ग स्थित शिव सामूदायिक वनमा गैंडाले आक्रमण गर्दा एक पर्यटक गाईडको मृत्यु भएको छ । 

गैंडाको आक्रमणबाट विदेशी पर्यटकलाई बचाउने क्रममा ठाकुरद्धारा नगरपालिका–९ का ३५ वर्षिय मनमोहन चौधरीको घटनास्थलमा मृत्यु भएको बर्दियाका प्रहरी उपरिक्षक प्रविण धितालले बताउनुभयो । 

सामूदायिक वनको अवलोकन गर्ने क्रममा विदेशी पर्यटकलाई गैंडालाई आक्रमण गरेको उहाँले जानकारी दिनुभयो । 

गैंडाको आक्रमणमा अमेरिकी पर्यटक एमसी सावन र सो वनको चौकीदारका रुपमा कार्यरत खिन्चु थारु घाईते भएका छन् ।