शुद्धोधन–१ का वडा अध्यक्ष यादवको निधन

कपिलवस्तुको शुद्धोधन गाउँपालिका–१ का वडा अध्यक्ष तिलकराम यादवको निधन भएको छ । भारतको नयाँदिल्लीस्थित एपोलो अस्पतालमा उपचाररत यादवको मंगलबार साँझ निधन भएको हो । 

६८ वर्षीय यादव नेपाली कांग्रेस पार्टीबाट २०७४ र २०७९ मा वडा अध्यक्ष निर्वाचित हुनु भएको थियो । 

मस्तिष्कको ट्युमरको उपचारका लागि भेन्टिलेटर राखिएको बेला उहाँको मृत्यु भएको गाउँपालिका अध्यक्ष कमलेशशरण चौधरीले जानकारी दिनुभयो । 

गाउँपालिकाका अध्यक्ष चौधरीले वडा अध्यक्ष यादवको निधनले गाउँपालिकाले विकासप्रेमी अगुवा गुमाउनु परेकामा दुःख ब्यक्त गर्दै शोकसन्तप्त परिवारजनामा समवेदना ब्यक्त गर्नु भएको छ । 

यसैबीच, वडा अध्यक्ष यादवको निधनमा गाउँपालिकाले बुधबार शोक बिदा दिएको छ ।