माघे संक्रान्तिको अवसरमा बन्दीपुरमा गोरु जुधाई प्रतियोगिता हुने

बन्दीपुर गाउँपालिका—२ को कुकुर्दीमा माघे संक्रान्तिको अवसरमा गोरु जुधाई प्रतियोगिता हुने भएको छ । नारायण गोपाल युवा क्लबले कृषकहरुलाई पशुपालनमा प्रोत्साहन गर्ने उद्देश्यले विगत ३ वर्षदेखि गोरु जुधाई प्रतियोगिता आयोजना गर्दै आएका छन् ।

यस वर्षको प्रतियोगितामा तनहुँ जिल्लाभर इच्छुक कृषकलाई सहभागी गराउने क्लबका अध्यक्ष उज्ज्वल गुरुङले बताउनुभयो । उहाँले भन्नुभयो, ‘हालसम्म १६ जना भन्दा बढि कृषकहरु प्रतियोगितामा भाग लिने गरी सम्पर्कमा आउनुभएको छ ।’

गोरु जुधाई प्रतियोगितामा प्रथम, द्वितीय हुनेलाई क्रमशः १५ हजार, ७ हजार रुपैयाँ नगद पुरस्कार प्रदान गरिने उहाँले जानकारी दिनुभयो । गुरुङका अनुसार प्रतियोगितामा सहभागी हुन दर्ता शुल्क ५ सय रुपैयाँ लाग्ने छ ।