संखुवासभाको सभापोखरीमा आगलागी हुँदा पाँच घर जलेर नष्ट

संखुवासभाको सभापोखरी गाउँपालिका ६ बाह्रविसे बजारमा आगलागी हुँदा ५ वटा घर जलेर नष्ट भएको छ ।

आगलागीबाट रामबहादुर राई, अमृता राई, लालसिंह लिम्बुका एक÷एक घर र सुशील तामाङ्गको २ वटा घर जलेको प्रहरी निरीक्षक रामकुमार लामिछानेले बताउनुभयो ।

उहाँका अनुसार आज दिउँसो रामबहादुर राईको घरवाट आगलागी शुरु भएको थियो । नेपाली सेना, प्रहरी र स्थानीयवासीको सक्रियतामा आगो नियन्त्रणमा लिइएको प्रहरीले जनाएको छ ।