कपिलवस्तुमा मोटरसाइकल दुर्घटना, दुईको मृत्यु

कपिलवस्तुमा मोटरसाइकल दुर्घटना हुँदा दुई जनाको मृत्यु भएको छ । एक जना घाइते भएका छन् । वाणगंगा नगरपालिका–११, देउवापारमा लु १० प ४४९६ नम्बरको मोटरसाइकल र भारतीय नम्बरको मोटरसाइकल आसपमा ठोक्किएको थियो । 

दुर्घटनामा रुपन्देहीको सैनामैना नगरपालिका–४ का २७ वर्षीय रोमन थारु र भारतीय नम्बरको मोटरसाइकलका चालक कपिलवस्तुको शुद्धोधन गाउँपालिका–१ का ३५ वर्षीय नेहामत अलीको मृत्यु भएको जिल्ला प्रहरी कार्यालयले जनाएको छ । 

उनीहरु दुबै जनाको भैरहवास्थित मेडिकल कजेलमा उपचारको क्रममा गएराति मृत्यु भएको जिल्ला प्रहरी कार्यालयका प्रहरी नायब उपरीक्षक मोहमणी अधिकारीले बताउनुभयो । 

थारुले चलाएको मोटरसाइकलको पछाडि सवार सैनामैना नगरपालिका–४ का २६ वर्षीय अजय थारुको भैरहवामा उपचार भईरहेको छ ।