काम गरेर नभई प्रचारबाजी गरेर स्थापित हुने प्रतिस्पर्धा चलेको छः उर्जामन्त्री खड्का

उर्जा, जलस्रोत तथा सिंचाइमन्त्री दीपक खड्काले कर्मचारीबीच काम गरेर नभई प्रचारबाजी गरेर स्थापित हुने प्रतिस्पर्धा चलिरहेको टिप्पणी गर्नुभएको छ । काठमाडौंमा आज आयोजित एक कार्यक्रममा बोल्दै मन्त्री खड्काले कानुन भन्दा माथि बसेर आफूलाई स्थापित गर्न कर्मचारीहरुबीच होडबाजी चलिरहेको उल्लेख गर्नुभयो ।

विद्युत् प्राधिकरणको कार्यकारी निर्देशकबाट घिसिङलाई हटाएपछि सार्वजनिक रुपमा आलोचना भइरहेका बेला मन्त्री खड्काको यस्तो अभिव्यक्ति आएको हो । यसैबीच, संसदमा प्रतिपक्षीले उठाएको विषयमा जवाफ दिन तयार रहेको एमाले मुख्य सचेतक महेश बर्तौलाले बताउनुभयो । सरकारका तर्फबाट जवाफ दिन तयार भएपनि प्रधानमन्त्री ओलीले भने जवाफ नदिने बर्तौलाको भनाइ छ । यसैबीच, विपक्षी राप्रपाले घिसिङलाई पदबाट हटाएको विरोधमा काठमाडौंमा प्रदर्शन गरेको छ ।