कान्तिपुरकर्मी कमला पन्थी सम्मानीत

विशेष स्कुल तथा पुर्नस्थापना केन्द्रले रेडियो कान्तिपुरकर्मी कमला पन्थी सम्मानीत हुनुभएको छ । विश्व अटिजम सचेतना दिवस २०२५ का अवसरमा केन्द्रको आयोजमा बुधवार भएको कार्यक्रमकाबीच पन्थीलाई अडिजमबारे रेडियोमार्फत जनचेता जगाउन महत्वपूर्ण भूमिका निभाएको भन्दै सम्मान गरिएको हो ।

२०६८ साल चैत्रमा स्थापना भएको केन्द्रले विशेष शिक्षा, स्वास्थ्य सेवा, थेरापीहरु, सीपमुलक तालिम र पुर्नस्थापना लगायतका क्षेत्रमा काम गर्दै आएको छ । याहाँबाट हालसम्म हालसम्म ६० जना विद्यार्थीहरुलाई सेवा प्रदान गरिएको छ । जसमा १६ जना युवा र ४६ जना बालबालिकाहरु रहेका छन् । ३२ जना कर्मचारी कार्यरत छन् । अटिजम कुनै रोग नभई विशेष अवस्था भएकाले त्यसको संरक्षणका लागि निरन्तर अभियभान तथा सचेतना चलाउनु पर्ने सो क्षेत्रका जानकारहरु बताउँछन् ।

कार्यक्रममा विद्यार्थीहरुलाई पुरस्कार एवंम मेडल वितरण गरिएको थियो । कार्यक्रममा कर्मचारीहरुलाई मायाको चिनो तथा खादाबाट सम्मान गरिएको थियो । सो केन्द्रले कान्तिपुरकर्मी पन्थीसँगै राष्ट्रिय फोटो पत्रकार संघका बरिष्ठ उपाध्यक्ष सागर श्रेष्ठ, नेपाल पत्रकार महासंघ काभ्रे शाखाका पुर्व अध्यक्ष मोतीराम तिमल्सिना, उत्प्रेरक प्रितम पौडेल, लेडिज सर्कल नेपालका रिसा अग्रवाल, सौन्दर्यविद तथा समाजसेवी मञ्जु कार्की पाण्डे, विशेष स्कुल तथा पुनस्र्थापना केन्द्रका आजिवन सदस्य अष्ट्रेलिया निवासी प्रतिष्ठा गौतमलाई सम्मान गरेको छ ।

संस्थापक अध्यक्ष सविता उप्रेतीको अध्यक्षतामा आयोजित कार्यक्रमम अटिजम सचेतना सम्वन्धि पोस्टर तथा फ्लेक्स प्रर्दशनी तथा विशेष स्कुल तथा पुर्नस्थापना केन्द्रमा उत्पादित सामाग्रीहरुको स्टल राखिएको थियो ।