आन्दोलनरत शिक्षकलाई वार्तामा आउन सरकारको आग्रह

सरकारले विद्यालय शिक्षासम्वन्धि विधेयक तत्काल पारित गर्नुपर्ने माग राख्दै आन्दोलन गरिरहेका शिक्षकहरूलाई वार्तामा बोलाएको छ । 

शिक्षा, विज्ञान तथा प्रविधि मन्त्रालयले शिक्षकको मागमा सान्दर्भिक छलफल गरी साझा धारणा बनाउन तयार रहेको भन्दै काठमाडौंमा आन्दोलन गरिरहेका शिक्षकहरूलाई वार्ताका लागि आव्हान गरेको हो । 

विद्यालय शिक्षा सम्बन्धी कानूनलाई संशोधन र एकीकरण गर्न बनेको विधेयक प्रतिनिधिसभामा विचाराधिन छ । विधेयक छलफलको प्रक्रियामा रहेकाले त्यसलाई यथाशीघ्र पारित गर्न माग राख्दै सामुदायिक विद्यालयका कार्यरत शिक्षकहरूले हिजोबाट अर्को चरणको आन्दोलन थालेका हुन् ।