हायु परिवारलाइ थाकथलो फर्कन वडाध्यक्षको आग्रह

थाकथलो छाडेर रातारात कास्कीको पोखरा पुगेका उर्मीला हायु सहितको परिवार पुनस्थापनाका लागि गोलन्जोर गाउँपालिका–६ का वडाध्यक्ष रविन श्रेष्ठ सहितको टोलीले आज भेटेर परिवारलाइ फर्किन आग्रह गरेका छन् ।

६ नं वडाको छेत्पानजिक भण्डास विप्पर कटेरीबाट ६ दिन अघि घर, चौपाया र पशुपंक्षीलाइ तेत्तिकै छाडेर हायु परिवार पोखरा पुगेको थियो ।

घर भएको जमिन खरिद गरिदिने, अस्थायी बसोबासका लागि वडामै छुट्टै स्थानमा घर निर्माण, शिक्षा, स्वास्थ्य, रोजगारीको व्यवस्थाकालागि प्राथमिकतामा राख्ने प्रतिबद्धता जनाएको वडाध्यक्ष श्रेष्ठले बताउनुभयो ।

सडक सुविधा, खानेपानी, स्वास्थ्य, र शिक्षामा पहुँच नभएकाले परिवारका सदस्यले थाकथलो फर्किन मन नगरेको जनाइएको छ । जति दुःख गरेपनि खानको लागि उब्जनीले तीन महिना पनि नधानेपछि हातमुख जोड्न शहर पस्नुको विकल्प उनीहरुले गुनासो गरेको वडाध्यक्ष श्रेष्ठको भनाइ छ ।

यसैबीच कांग्रेस प्रमख सचेतक श्याम घिमिरेले हायू परिवारको पुनस्थापनाका लागि आफूले आर्थिक, भौतीक, नैतिक जस्तो सहयोग गर्न पनि तयार रहेको बताउनुभएको छ ।