नेकपा बहुमतका चितवन सचिव पक्राउ

नेपाल कम्युनिष्ट पाटीनेकपा बहुमतका चितवन जिल्ला सचिव ध्रुव खड्कालाई प्रहरीले पक्राउ गरेको छ ।

चितवनको खैरहनीमा रहेको नापी कार्यालयका प्रमुख शालिकराम लम्सालमाथि हिजो केही व्यक्तिहरूले कार्यकक्षमै पसेर कालो मोसो दलेका थिए ।

सोही घटनामा संलग्न भएको आरोपमा खड्का पक्राउ परेको चितवन प्रहरीले जनाएको छ ।

हिजै पक्राउ परेका खड्कालाई जिल्ला प्रहरी कार्यालयको हिरासतमा राखेर अनुसन्धान भइरहेको कार्यालयका प्रवक्ता डिएसपी रविन्द्र खनालले जानकारी दिनुभयो ।

खड्काको साथबाट नौवटा पर्चा पनि बरामद भएको छ ।