कुलिङ अफ पिरियडको प्रावधान हटाउन एमालेले छलछाम गरेको शेखर कोइरालाको आरोप

नेपाली कांग्रेसका नेता डा. शेखर कोइरालाले भूमि सम्बन्धी विधेयकमा कांग्रेस सांसदहरुले संशोधन राख्दा समेत त्यसमाथि छलफल गर्न नदिइएको आरोप लगाउनुभएको छ । 

काठमाडौंमा आयोजित कार्यक्रममा बोल्दै नेता कोइरालाले देशका विभिन्न भागमा रहेका सरकारी जग्गा माँस्ने गरी विधेयक ल्याइएको समेत बताउनुभयो । गोकर्ण रिसोर्ट, राजा वीरेन्द्रको सम्पत्ति, पोखराको लिचीबारी, गिरिबन्धु टिस्टेटमा एमालेले आँखा गाडेर बसिरहेको उहाँको भनाइ थियो । 

नेता कोइरालाले निजामति सेवासम्बन्धी विधेयकमा कुलिङ अफ पिरियडको प्रावधान हटाउन एमालेले नै छलछाम गरेको टिप्पणी गर्नुभयो ।