भरतपुरमा कार दुर्घटना हुँदा एक जनाको मृत्यु

चितवनको भरतपुरमा कार दुर्घटना हुँदा एकजनाको मृत्यु भएको छ । 

भरतपुर १० स्थित विशालचोक नजिकै भएको दुर्घटनामा गम्भीर घाइते भएका भरतपुर महानगरपालिका २ आँपटारीका डा. बिप्लव भट्टको उपचारका क्रममा मृत्यु भएको हो ।

भट्ट सवार कार गएराती अनियन्त्रित भइ सडकछेउको रुखमा ठोक्किएको जिल्ला प्रहरी कार्यालय चितवनले जनाएको छ । तिब्र गतिका कारण कार अनियन्त्रित भएर रूखमा ठोक्किएको प्रहरीको प्रारम्भिक अनुमान छ ।