लुम्बिनी सांस्कृतिक नगरपालिका प्रमुखको निधन

रुपन्देहीको लुम्बिनी सांस्कृतिक नगरपालिकाका प्रमुख ७२ वर्षीय सजरुद्धिन मुसलमानको आज बिहान निधन भएको छ । 

मुसलमानको हृदयघातका कारण निधन भएको हो । गत निर्वाचनमा उहाँ नेपाली कांग्रेसका तर्फबाट नगर प्रमुखमा विजयी हुनुभएको थियो । 

स्थानीय युवा करण पाण्डेका अनुसार बिहान मुसलमानको छातीमा समस्या देखिएपछि परिवारले उपचारका लागि चिकित्सकसहित भैरहवास्थित अस्पताल लैजाने क्रममा बाटोमै मृत्यु भएको हो । 

प्रमुखसहित नगरपालिकाको टोली एकसाता लामो सिंगापुर र मलेसियाको भ्रमण पूरा गरेर हिजो मात्रै स्वदेश फर्किएको थियो ।