संविधान दिवस विविध कार्यक्रम गरी मनाईदै

संविधान तथा राष्ट्रिय दिवस आज विविध कार्यक्रम गरेर मनाइँदैछ ।

संविधान घोषणा भएको दिन असोज ३ गते वर्षेनी संविधान दिवस मनाउदै आइएको छ ।

२०७२ साल असोज ३ गते संविधान सभामार्फत घोषणा भएको संविधानले १० वर्ष पुरा गरेको छ ।

दिवसको अवसरमा राष्ट्रपति रामचन्द्र पौडेलको प्रमुख आतिथ्यतामा अहिले सैनिक मञ्च, टुँडिखेलमा दिवसको मूल कार्यक्रम आयोजना गरिएको छ ।

समारोहलाई प्रधानमन्त्री सुशीला कार्कीले सम्बोधन गर्नुहुनेछ ।

केही दिन अघि भएको आन्दोलनमा दर्जनौं युवाले सहादत प्राप्त गरेपछि हिजो मात्र राष्ट्रिय शोक दिवस मनाइएकाले दिवसका अवसरमा यसअघिजस्तो झाँकीलगायत कार्यक्रम राखिएको छैन ।

नेपाली जनताको लामो बलिदानीपूर्ण र लामो संघर्षको उपलब्धिकारुपमा दोस्रो संविधानसभाको निर्वाचनपछि गठित संविधानसभाले अथक मेहेनत र लामो विवादपछि नेपालको संविधान, २०७२ जारी गरेको थियो ।

बलिदानी र संघर्षबाट जनताले आफै बनाएको संविधानले १० वर्ष पुरा नगर्दै यसका कतिपय प्रावधानमा नागरिकले असन्तुष्टि जनाउँदै आएका छन् ।