बाबुराम भट्टराईद्वारा पार्टी अध्यक्ष त्यागेको घोषणा

पूर्व प्रधानमन्त्री एवं नेपाल समाजवादी पार्टी (नयाँ शक्ति) का अध्यक्ष बाबुराम भट्टराईले नयाँ पुस्तालाई प्रोत्साहन, पुराना दलको नेतृत्वलाई दबाब दिन अध्यक्ष पद त्याग गरेको बताउनुभएको छ ।

जेन जी आन्दोलनको भावनालाई सम्मान र समर्थन गर्दै पद त्याग गरेको भट्टराईको भनाइ छ । काठमाडौंमा आयोजित पत्रकार सम्मेलनमा उहाँले पार्टीको जिम्मेवारी र कार्यकारीबाट मुक्त भए पनि नयाँ वैकल्पिक शक्तिको अभियानलाई निरन्तर सघाउने बताउनुभयो ।

युवाहरुको विद्रोहलाई कतिपय दलले गलत भाष्यसँग जोडेको भन्दै भट्टराईले आपत्ति जनाउनुभयो । आन्दोलनलाई विदेशीको षड्यन्त्र भनेर बुझ्न नमिल्ने उहाँको भनाइ थियो ।

भट्टराईले शासकीय स्वरुप र निर्वाचन प्रणाली नसच्याएसम्म मुलुकमा राजनीतिक स्थिरता नहुने दावी गर्नुभयो ।