दुर्गा प्रसाईंले मंसिर २२ गते प्रधानमन्त्री कार्कीसँग वार्ता गर्ने

राजतन्त्र र हिन्दू राष्ट्रको पक्षमा अभियान चलाइरहेका मेडिकल व्यवसायी दुर्गा प्रसाईंले सरकारसँग औपचारिक वार्ताको मिति तय भएको बताउनुभएको छ ।

 भक्तपुरमा आज आयोजित पत्रकार सम्मेलनमा बोल्दै प्रसाईंले यही मंसिर २२ गते प्रधानमन्त्री सुशीला कार्कीसँग वार्ता गर्ने मिति तय भएको बताउनुभयो । प्रसाईंले आफूलाई वार्ताका लागि बोलाएको र आफूले उठाएका मागप्रति सकारात्मक रहेको दाबी गर्नुभयो ।

यस्तै, प्रसाईंले पूर्वराजा ज्ञानेन्द्र शाह र राजावादीसँग असन्तुष्टि व्यक्त गर्नुभयो । उहाँले राजसंस्था र हिन्दु राज्यको पक्षमा जनमत संग्रहको माग गरेपनि राजावादीहरुले विरोध गरेको टिप्पणी गर्नुभयो ।

आन्दोलनको तयारी गरेपछि सरकारले प्रसाईलाई वार्तामा बोलाएको हो ।