नेताहरुलाई प्रतिस्पर्धा गर्न रोकिँदैन : अध्यक्ष ओली

एमालेका अध्यक्ष केपी शर्मा ओलीले पार्टीको आगामी महाधिवेशनमा सर्वसम्मतिको नाममा नेताहरुलाई प्रतिस्पर्धा गर्न नरोकिने बताउनुभएको छ । महाधिवेशनको लोगो सार्वजनिक कार्यक्रममा बोल्दै उहाँले प्रतिस्पर्धाका लागि सबैले मौका पाउने बताउनुभयो ।

अर्को प्रसंगमा एमाले अध्यक्ष ओलीले पार्टीमा हस्तान्तरण र पुस्तान्तरणको विषय स्वभाविक भएको र समय अनुसार हुने बताउनुभएको छ । अध्यक्षमा प्रतिस्पर्धा गर्ने घोषणा गरेका वरिष्ठ उपाध्यक्ष इश्वर पोखरेल समेत सहभागी कार्यक्रममा ओलीले महाधिवेशनमा निषेधको अवधारणाप्रस्तुत नगरिने उल्लेख गर्नुभयो ।

एमालेको ११ औं महाधिवेशन यही मंसिर २७ देखि २९ गतेसम्म काठमाडौं हुँदैछ । महाधिवेशनमा दुई पक्षबीच पदाधिकारी र केन्द्रिय सदस्यका लागि निर्वाचन हुने सम्भावना छ ।