निर्वाचनमा दलहरु एक्ला एक्लै प्रतिस्पर्धा गर्दै
- काठमाडौंयसपटकको निर्वाचनमा दलहरु एक्ला एक्लै प्रतिस्पर्धा गर्ने भएका छन् ।
दलहरुले दिएको उम्मेद्वारी दर्ताले उनीहरु चुनावी गठबन्धन नगरी मैदानमा जाने तयारीमा देखिएका हुन् ।
यसअघि दलहरुबीच हुँदै आएको चुनावी गठबन्धनको अभ्यास यसपटक तोडिएको छ ।
हिजो भएको मनोनय दर्ता अनुसार ठूला दलहरु एक्लाएक्लै चुनावमा होमिने देखिएको हो ।
केही मधेसकेन्द्रित दलहरू भने संयुक्त चिन्हमा चुनाव लड्ने देखिएको छ ।
यसअघिका अभ्यासलाई तोड्दै दलहरु यसपटक भने दलहरु ऋा आफ्ना उम्मेद्वार लिएर जनतासँग भोट माग्ने तयारीमा छन् ।
माघ ११ गते हुने राष्ट्रियसभा निर्वाचनमा कांग्रेस र एमालेले गठबन्धन गरेपनि फागुन २१ गते हुने प्रतिनिधि सभा निर्वाचनमा भने भागबण्डा गरिएको छैन ।
विशेष महाधिवेशनले चुनावअघि गठबन्धन नगर्ने नीति बनाए अनुसार एक्लै चुनाव लागेको कांग्रेसले जनाएको छ ।
राजनीतिक परिस्थितिका कारण पनि गठबन्धन नभएको एमाले नेताहरुको भनाई छ ।
जेनजी आन्दोलनपछि दलहरुबीच सहकार्यको वातावरण नबनेकाले पनि गठबन्धनको सम्भावना टरेको कतिपयको बुझाइ छ ।
चुनावअघिको गठबन्धनले नागरिकमा समेत असन्तुष्टि बढिरहेका बेला दलहरुलाई यसपटक आफ्नो लोकप्रियता जाच्ने अवशर मिलेको छ ।