क्याफेमा आएका ग्राहकको चक्कु प्रहरी गरी हत्या

हत्या गरेको अभियोगमा प्रहरीले ललितपुरबाट दुई जनालाई पक्राउ गरेको छ । 

डडेलधुराको परशुराम नगरपालिका–११ घर भई ललितपुरको च्यासल बस्ने हेमराज भट्ट र काभ्रे मण्डनदेउपुर नगरपालिका–११ घर भई च्यासल बस्ने जनक बहादुर तामाङलाई पक्राउ गरिएको जिल्ला प्रहरी कार्यालय ललितपुरले जनाएको छ । 

ललितपुर महानगरपालिका–९ च्यासलस्थित टाउन हब क्याफेमा आएका ग्राहकलाई चक्कु प्रहरी गरी हत्या गरेको अभियोगमा उनीहरुलाई प्रहरीले पक्राउ गरेको हो । पक्राउ परेका दुवै जना क्याफेका कर्मचारी हुन् । 

क्याफेमा आएका सुनसरी इटहरी घर भई सातदोबाटो बस्ने नयन गुरुङसँग विवाद हुँदा भट्टले चक्कु प्रहार गरी घाइते बनाएका थिए । घाइते गुरुङको बीएण्डबी अस्पतालमा उपचारको क्रममा सोमबार राति मृत्यु भएको थियो ।