सुदूरपश्चिमकै ठुलो राशीको भलिवल प्रतियोगिता माघ तेस्रो साता

कञ्चनपुरमा माघ तेस्रो साता देखि प्रदेशकै ठुलो पुरस्कार राशीको भलिवल प्रतियोगिता हुने भएको छ । सुदूरपश्चिम प्रदेश खेलकुद विकास समितिको आयोजनामा तेस्रो मुख्यमन्त्री कप भलिवल प्रतियोगिता आयोजना हुन लागेको हो । जिल्ला भलिवल संघको व्यवस्थापनमा माघ १४ देखि २० सम्म महेन्द्रनगरस्थित कभर्ड हलमा प्रतियोगिता हुनेछ ।

प्रतियोगितामा ७ वटै प्रदेश र ३ विभागिय गरि १० टीमको सहभागिता रहने आयोजकले जनाएको छ । प्रतियोपगतामा प्रथम हुनेले ४ लाख, द्धितिय हुनेले २ लाख र तेस्रो हुनेले १ लाख पुरुस्कार प्राप्त गर्नेछ । यसैगरि चौथो हुनेले ५० हजार प्राप्त गर्नेछ । सेमीफाइनलदेखिका खेलमा म्यान अफ द म्याच हुने खेलाडीले पनि ५ हजार प्राप्त गर्नेछन् । 

यसैगरी प्रतियोगिताका उत्कृष्ट खेलाडीलाई २० हजार प्रदान गरिने जिल्ला भलिवल संघ कञ्चनपुरका अध्यक्ष श्यामसिंह मौनीले बताउनुभयो । उहाँका अनुसार प्रतियोगितामा १ सय ७० खेलाडी र ५० जना अफिसियल सहभागि हुनेछन् ।