नेपाल प्रिमियर लिगमा सहभागी हने टोलीका मार्की खेलाडी सार्वजनिक

आगामी मंसिरमा हुने नेपाल प्रिमियर लिगमा सहभागी विभिन्न आठ टोलीले आफ्नो मार्की खेलाडी पाएका छन् । 

नेपाल क्रिकेट संघ क्यानले आज एक कार्यक्रमकाबीच गोलाप्रथाबाट मार्की खेलाडी प्रदान गरेको हो । जस अनुसार कर्णालीको मार्की खेलाडीमा सोमपाल कामी छन् भने सुदूरपश्चिमको मार्की खेलाडीका रुपमा दीपेन्द्रसिंह ऐरि छन् । यस्तै लुम्बिनीले रोहित पौडेललाई मार्की खेलाडी बनाएको छ भने पोखराले कुशल भूर्तेललाई मार्की खेलाडीको रुपमा पाएको छ ।

 चितवनको मार्की खेलाडीका रुपमा कुशल मल्ल हुँदा काठमाडौंले करन केसीलाई पाएको छ । यस्तै जनकपुरले आशिफ शेखलाई मार्की खेलाडी बनाउँदा विराटनगरले सन्दीप लाछिमानेलाई मार्की खेलाडी बनाएको छ । प्रतियोगिता आगामी मंसिर १५ देखि पुस ६ गतेसम्म काठमाडौंमा आयोजना हुनेछ ।

 यसअघि क्यानले गत साता आफ्नो आधिकारीक फ्रेन्चाइज लिगमा सहभागी हुने टोलीको स्मामित्व हस्तान्तरण गरेको थियो ।