करन केसी र भिम सार्कीले स्कटल्याण्डविरुद्धको खेल गुमाउने

नेपालका प्रमुख बलर मध्येका करन कोसी र मध्यक्रमका ब्याटर भिम सार्कीले आज आज हुने स्कटल्याण्डविरुद्धको खेल भने गुमाउने भएका छन् ।

नेपाल क्रिकेट संघ क्यानका अनुसार उनीहरुले घाइते हुँदा खेल गुमाउने भएका हुन् । क्यानका अनुसार करन केसीको स्थानमा सागर ढकाल र भिमको स्थानमा देव खनाललाई टोलीमा समावेश गरिने छ । लिग टू अन्तर्गत अस्ती भएको अमेरिकासँगको खेलका क्रममा करन केसी घाइते भएका थिए ।

अमेरिकाको डालासस्थित मैदानमा हुने नेपाल र स्कटल्याण्ड बीचको खेल नेपाली समय अनुसार राति सवा १० बजे सुरु हुनेछ । नेपालले स्कटल्याण्डसँग प्रतिस्पर्धा गर्दै लिग टू अन्तर्गत अमेरिका भ्रमण टुंग्याउन लागेको हो ।

यसअघि सिरिजको दुई खेलमा घरेलु टोली अमेरिकासँग पराजित भएको थियो । अमेरिकासँग पहिलो खेलमा नेपाल तीन विकेट र दोस्रो खेलमा ३७ रनले पराजित भएको थियो । अमेरिकासँग लगातार दुई खेल गुमाएको नेपाल आज जितका साथ सिरिज अन्त्य गर्ने लक्ष्यमा छ । यता स्कटल्याण्ड भने पहिलो खेलमा बेहोरेको हारको बदला लिने योजनामा हुनेछ ।