विश्वकप लिग टू को अमेरिका र क्यानडा भ्रमण सकेर नेपाली टोली स्वदेश फिर्ता

अमेरिका र क्यानडामा आयोजित आईसिसी विश्वकप लिग टू अन्तर्गतको भ्रमण सकेर नेपाली टोली स्वदेश फर्किएको छ ।

 टोलीलाई आज त्रिभुन अन्तराष्ट्रिय विमानस्थलमा नेपाल क्रिकेट संघ क्यानका पदाधिकारीहरुले स्वागत गरेका थिए । लिग टू अन्तर्गत क्यानडा भ्रमणमा नेपालले सन्तोषजनक प्रदर्शन भने गर्न सकेन । 

अमेरिका भ्रमणका क्रममा नेपालले घरेलु टोली अमेरिका सँगको दुवै खेल गुमाएको थियो भने स्कटल्याण्ड सँगको पहिलो खेलमा विजयी हुँदा दोस्रो खेल भने वर्षाका कारण रद्द हुँदा एक एक अंक बाँडेको थियो । 

अमेरिका भ्रमणका क्रममा अमेरिकासँग भएको तीन म्याचको टी–२० सिरिजमा भने क्लिन स्वीप गरेको थियो । लिग–२ मा कमजोर प्रदर्शन गरिरहेको नेपाल अहिले १२ खेलमा दुई जित, आठ हार र दुई खेल मौसमका कारण रद्द हुँदा ६ अंक सहित तालिकाको ७ औं स्थानमा छ ।