एनपीएलको खेल तालिका सार्वजनिक, पहिलो खेल विराटनगर किङ्ग्स र जनकपुरबीच हुने

यहि मंसिर १५ गतेबाट सुरु हुने पहिलो संस्करणको नेपाल प्रिमियर लिग क्रिकेटको खेल तालिका सार्वजनिक भएको छ । 

नेपाल क्रिकेट संघ क्यानले आज साँझ सामाजिक सञ्जाल मार्फत खेल तालिका सार्वजनिक गरेको हो । सार्वजनिक खेल तालिका अनुसार उद्घाटन खेलमा विराटनगर किङ्ग्स र जनकपुर बोल्टस्बीच प्रतिस्पर्धा हुनेछ । 

दोस्रो दिन काठमाडौं गुर्खाज र चितवन राइनोजबीच पहिलो खेल हुँदा सोहि दिन जनकपुर बोल्टस् र कर्णाली याक्सबीच प्रतिस्पर्धा हुनेछ । क्यानका अनुसार लिग चरणको अन्तिम खेल पुस १ गते एउटा खेल हुनेछ ।

 उद्घाटन र लिग चरणको अन्तिम दिन बाहेक अन्य दिन दुई ÷दुई वटा खेल हुनेछ । पहिलो खेल बिहान सवा ९ बजे तथा दोस्रो खेल दिउँसो सवा १ बजे सुरु हुनेछ । 

 प्रतियोगितामा आठ टोलीले प्रतिस्पर्धा गर्नेछन् । कीर्तिपुरस्थित त्रिवि क्रिकेट मैदानमा हुने सम्पूर्ण खेलहरु स्टार स्पोर्ट्सबाट प्रत्यक्ष प्रशारण हुनेछ ।