बुन्डेसलिगामा ह्यारी केनद्वारा सर्वाधिक छिटो ५० गोलको किर्तिमान

इंग्ल्याण्डका फुटबलर ह्यारी केनले बुन्डेसलिगा फुटबलमा सर्वाधिक छिटो ५० गोलको किर्तिमानी बनाएका छन ।

इंग्ल्याण्डका कप्तान समेत रहेका केनले गएराति भएको खेलमा अग्सबर्ग विरुद्धको खेलमा ह्याट्रिक गर्दै सर्वाधिक छिटो ५० गोल गर्ने खेलाडीको सूचीमा आफ्नो नाम लेखाएका हुन् ।

सो खेलमा केन आबद्द बार्यान म्यूनीखले ३–० गोल अन्तरको जित निकालेको थियो । सो खेल पहिलो हाफसम्म गोल रहित बराबरीमा सकिएको थियो । इतिहास बनाउनबाट तीन गोललेपछि रहेका केनले खेलको ६३ औं मिनेटमा प्राप्त भएको पेनाल्टीको अवसरलाई गोलमा परिणत गरे ।

यस्तै दोस्रो हाफको अतिरिक्त समयमा पुनः २ गोल गर्दै टोलीलाई जित दिलाएका हुन् । यो जित सँगै बुन्डेसलिगा फुटबलमा बार्यान म्यूनीख ११ खेलबाट २९ अंक सहित तालिकाको शीर्ष स्थानमा कायमै छ । उसले ९ मा जित निकाल्दा २ खेलमा भने बराबरी गरेको छ ।